الرئيسية > آراء > اسلوب وحيد: اللعاب اللي سخن عليه الراس يخرج. خاصك تكون بحال حكيمي. كيفاش بدل املاح واخا دار ماتش مزيان وكيفاش كلاشاه: واش كيصاحب ليه راسو مارادونا
17/01/2022 13:00 آراء

اسلوب وحيد: اللعاب اللي سخن عليه الراس يخرج. خاصك تكون بحال حكيمي. كيفاش بدل املاح واخا دار ماتش مزيان وكيفاش كلاشاه: واش كيصاحب ليه راسو مارادونا

اسلوب وحيد: اللعاب اللي سخن عليه الراس يخرج. خاصك تكون بحال حكيمي. كيفاش بدل املاح واخا دار ماتش مزيان وكيفاش كلاشاه: واش كيصاحب ليه راسو مارادونا

كود مصطفى الشاذلي ///

اسلوب مدرب الاسود وحيد خاليلوفيتش واضح. لحد الان جمعهم فاوطيل “مون فيبي” بعيد شوية على وسط العاصمة الكاميرونية ياوندي. مانع الدوران. داير حصار على لعابة المنتخب واللي مرافقينهم من طباخة وتقنيين واداريين. كلشي مراقبو وحيد. لا دوران فلوطيل لا خروج ودخول.

هو سبق قال فندوة صحافية باللي اللعابة عايشين وضع فشي شكل مع هاد الڤيروس ولكن هاد الشي قوى علاقاتهم. كيسمعهم يضحكو ويلعبو ويشطحو.

لكن اسلوب وحيد ماشي غير فلوطيل والتداريب حتى فالماتشات. برر استغناؤو على حكيم زياش بسباب تصريحاتو ولعبو. قال باللي هو اللي ختار المغرب ووحيد طلع ليه الدم. رد عليه “المغرب اللي ختارك ماشي انت اللي ختاريتيه”.

فالتيران وحيد صارم بزاف. ممنوع شي لعاب يبقى كيتفرج وما يدخلش. ما يدافعش ما يدخلش فثنائيات. خاصو يعرق. يجري. هاد الشي شفناه فالماتش الاول مع بوفال. فماش غانا ما عجبوش واخا هاكاك فالشوط الاول وعجبو فالشوط الثاني ماشي غير ماركا بل حيت دافع وجرى وتحرك.

من غير تصريحات حكيم زياش٬ طريقة لعبو فالمنتخب ما عجباتش وحيد. فماتش المغرب ضد موريتانيا كان اخر ماتش ليه. غير رجعو من الجارة الجنوبية قال فالطيارة باللي ما غاديش يبقى يغوت عليه حقاش كيلعب بوحدو.

من اللعابة المزيانين فالماتشات الجوج اللي دار المنتخب ف”الكان” كاين املاح. لعب مزيان الماتش الاول وماركا بيت فالماتش الثاني ودوز باس باش تماركا البيت الثاني ضد القمر ومع ذلك خرجو وحيد. خرجو وقال فالندوة الصحافية “كيسحاب ليه راسو مارادونا”. هي رسالة لكلشي. حتى حد ما رئيسي فهاد الكان. ممكن كلشي يتغير. شفنا هاد الشي مع سفيان امرابط باش بدلو بمايي فاول ماتش ضد غانا. فماتش القمر دخل امرابط ولعب مزيان. جمع راسو.

دابا املاح واخا مزيان ممكن ما يدخلش الماتش الثالث حقاش ما دارش اللي قال ليه المدرب. لعب وبغى يراوغ …

من الامثلة على اسلوب وحيد اللعاب حكيمي. نجم كبير ولكن داير اللي طلب منو المدرب. بلا زيادة لا والو. لعاب كان قال عليه وحيد باللي عندو مستوى عالمي ولكن راسو صغير. عقلية احترافية. عطاه بلاصة وخدمة لحد الان دايرها بكل دقة. ما كيشد كورة. ما كيطلع الا ايلى قالها ليك. ما كيراوغ. ما كيضرب كوفرات. والو والو.

حكيمي واملاح رسالة لكاع اللعابة. خاصهم تكونو بحال حكيمي وتفاداو تغرو شوية وديرو بحال املاح. راه اللي فرط يكرط.

البوسني عقلاني. عارف باش يربح خاصو فرقة ماشي نجم خاصة فكاس قاصحة بزاف بحال كأس افريقيا للامم

موضوعات أخرى

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي