اسماء غربي – كود//
في حوار مع موقع “euobserver”، اتهم اسقف طنجة “سانتياگو اگريلو مارتينيز” اوروبا والمغرب بزيادة معاناة المهاجرين.
واضاف مارتينيز ان “خطة الاتحاد الاوروبي لبناء مراكز اللجوء غادي تخلق معسكرات اعتقال عامرين بناس ماعندهم حتى حقوق… شحال هادي كانو المغاربة كيعاونو المهاجرين، وكيحميوهم ويسكنوهم معاهم كاع، ولكن ابتداء من يونيو السلطات بدات كتعاقب اي واحد عاونهم، وبدات كتجمعهم وكترحلهم”.
واكد مارتينيز انه هو براسو يقدر يدخل الحبس اي وقت بتهمة تهريب البشر.
هاد النسا راهم غير هاربين من الفقر، والحرب، والقمع السياسي، والزواجات المرتبة، والسياسيين ديال الاتحاد الاوروبي كيتعاملو معاهم بحال الا هما ماشي بشر ولا بشر من الدرجة الثانية، ناس الي كاينين فالوجود غير لخدمة اقتصادنا.
