كود بني ملال//

تفاجأ عدد من المشاركين في المناظرة الكبرى للتنمية المستدامة لي منظمة صباح الاربعاء بمقر الولاية، بغياب ليلى بنعلي وزيرة الانتقال الرقمي والتنمية المستدامة.

مجموعة ديال المشاركين عبرو ل”كود” على الاستياء ديالهم من الوزيرة بنعلي لي ماجاتش لهاد اللقاء الهام ، فالوقت لي مشات لجهات اخرى و شاركات في مناظرات جهوية.

الغريب هو الوزيرة لي كانت الكلمة ديالها مبرمجة فلافيش، ألقت الكلمة عن بعد، والاغرب هو ان بلاغ الوزارة لي فيه الكلمة مؤرخ من الرباط وليس من جهة بني ملال خنيفرة اللي منظمة هد المناظرة ديال التنمية المستدامة.

وهكا المشاركين تساءلو على الهدف من هد المناظرة الجهوية الى كانت الوزيرة دارت كلشي مركزي، وهل هذا تجاهل لورش الجهوية وتكريس للمركزية فالتعامل مع جهة مهمشة بحال جهة بني ملال خنيفرة.