هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
كود – عن مغرب انتلجنس//
الجزائر استغلت المشاكل الاقتصادية والمالية لدولة تونس وكاضغط عليها بطريقة “خبيثة” غير باش ضرب المغرب، فمور فضيحة استقبال الرئيس التونسي قيس سعيد لزعيم البوليساريو، اليوم كتعرض تونس لضغوط كبيرة مجددا من الجارة الشرقية باش تنظم منتدى دولي للشعوب المضطهدة باش تشارك فيه البوليساريو.
الخبر لي جابتو “مغرب انتلجنس”، للي كتجيب خبارات لاصقة فمواضيع الخارجية، جاء بلي الجزائر بغات تعطي دعم مالي كبير لتونس باش تستضف هاد المنتدى بشرط حضور البوليساريو.
“مغرب انتلجنس” وضح بلي الدبلوماسية الجزائرية كتمارس ضغوط قوية على تونس لقيادة تنظيم هذا المنتدى بحلول نهاية عام 2022.
هاد المنتدى سيخصص للقضية الفلسطينية، ولكن طبعا دزاير غاتخشي قضية الصحراء. هادشي كامل يؤكد بلي الجزائر طرف رئيس فالنزاع، وبلي اكذوب الشعب الصحراوي غير مطية لحكام الجزائر باش يزعجو المغرب لي ولات عندو مكانة فافريقيا وفالعالم، وجائحة كورونا بينات داكشي.
مصادر الجورنال نفسو، كشف بلي كانت مفاوضات سرية انطلقت بين القنوات الدبلوماسية التونسية والجزائرية حول هذا الموضوع منذ بداية الأزمة الدبلوماسية المفتوحة بين تونس والمغرب بعد دعوة قيس سعيد لرئيس البوليساريو، إبراهيم غالي، إلى المنتدى الاقتصادي الياباني الأفريقي(تيكاد 8) الذي انعقد في 27 و 28 غشت الماضي.