كريم الصوفي – كود//
[email protected]

ذكرت تقارير إخبارية إسبانية، أن الشرطة الوطنية الاسبانية شدات مؤخرا مواطن مغربي عندو 22 عام بعد تسببه في فوضى بمستشفى غرناطة.

المتهم المغربي اللي كيتسنا البت في الضوسي ديال الطرد ديالو من اسبانيا، فايت مشدود كثر من 30 مرة. قصد الصبيطار باش يتداوى من الجروح اللي تصاب بيها بعد مطايفة خايبة في الشارع. دخل للصبيطار وبدا كيحيح عليهم وتسبب في تعطيل باب آلي وهدد عناصر الأمن الخاص وتوعد ممرضين بالقتل. وتسبب في تعليق خدمة الطوارىء والمستعجلات بالمستشفى.

ورغم تقديم العلاج له، وجه المتهم تهديدات خطيرة بالقتل ضد طاقم المستشفى كما استعمل القوة ضد العاملين الصحيين وفي الأخير تم اعتقاله..