كريم الصوفي – كود//
[email protected]
قالت تقارير إسبانية، أن الحرس المدني شدو سائحة مغربية ساگت 7 كيلومتر ف أطوروت ب انتيردي غير باش ما تخلصش. الواقعة جرات ف أحد أكثر الطرق السيارة ازدحاما ف منطقة مدريد. السائحة المغربية تناقشات مع المكلف ب الگيشي ديال رسم المرور ف الأطوروت ورفضات تخلص.
وحسب التقارير ذاتها، السائقة المغربية مشات ف الاتجاه المعاكس مسافة 7 كيلومتر وفي الأخير لقات راسها وحلات وعاودات رجعات وتسبات ف توقيف حركة المرور وغير وصلات، لقات دورية ديال الحرس المدني كتسناها. تم اخضاعها لاختبار الكحول والمخدرات طلع سلبي ودابا غادي تحاكم من أجل “الإخلال بالنظام العام وتعريض حياتها وحياة مستخدمي الطريق الآخرين للخطر وارتكاب جريمة القيادة المتهورة”.