كود كازا ////

رئيس تركيا اردوگان فخطابو ببرلمان بلادو اليوم الثلاثاء على قضية قتل الصحافي السعودي جمال خاشقجي بقنصلية بلادو فاسطمبول دار لكلشي خاطرو. لدرجة ان قنوات ضد رئيس تركيا نقلاتو وتهلات فيه بزاف. فقناة “العربية” السعودية نقلاتو مباشرة وكتبت علي موقعها “اردوغان: توقيف السعودية للمتهمين في قتل خاشقجي خطوة هامة” فيما ذهبت عكاظ السعودية٬ اللي رئيس تحريرها بحالها بحال كاع الصحف السعودية كيعينهم الملك مباشرة٬ الى الاهتمام بهاد الخطاب. هاد الشي ما مولفينوش. لا العربية لا الصحف السعودية مولفين غير كيعيرو تركيا ورئيسها ويسبو قطر ويكفرو ايران.

هاد الصحيفة كتبت “الرئيس التركي: السعودية اتخذت خطوة هامة بتأكيد جريمة خاشقجي وايقافها”. فيما صحف الامارات اللي كتكره اردوغان بحال الاتحاد” ما هضراتش على الخطاب كاع. بحالها فحال جريدة الشرق الاوسط السعودية اللندنية والصحف المصرية من “الاهرام” و”اليوم السابع”
اما الصحف اللي كيدور ففلك قطر وتركيا فحتى هي فرحانة بالخطاب. وكالة الاناضول التركية ركزات بحالها بحال اعلام قطر على الامور اللي عاجباها. الوكالة كتبت “اردوغان يطالب بكشف قتلة خاشقجي من اسفل السلم الى اعلاه اما الجزيرة اللي بحال “العربية” وسكاي نيوز” الاماراتية فكتبت “مقتل خاشقجي. ادروغان يطالب السعودية بكشف الجناة باعلى السلم ومحاكمتهم باسطمبول”.

يعني ان اردوغان دار الخاطر لكلشي او ما دار لخاطر لحتى حد. قلب على مصالحو ومصالح بلادو واش غادي يربح من هاد البيعة والشرية