كود الرباط //

قال عزيز اخنوش رئيس الحكومة انو باللي وصل للحكومة ما لقى الا القانون الاطار لتعميم التغطية الاجتماعية. يعني ما لقى لا مشروع قانون لا حتى شي حاجة.

اخنوش كشف هاد الشي فافتتاح ملتقى دولي حول الحماية الاجتماعية تنظم بالصخيرات. هاد الشي كيعني ان ما قالوه صحاب البي جي دي باللي حكومة العثماني خلات ‏مجموعة من مشاريع مراسيم تنزيل ورش “الحماية الاجتماعية” واجدة٬ غير كذوب.

رئيس الحكومة قال باللي الحكومة ديالو وفظرف 9 شهورا دالخدمة صادقات على 22 مرسوم باش تفتح باب الاشتراك ‏في التغطية الصحية الاجبارية لـ 11 مليون مغربية ومغربي من العمال غير الأجراء. كما كشف انو لحد الان 78 فالمية منهم تمكنوا من ‏التسجيل فالصندوق الوطني للضمان الاجتماعي‎.‎

وقال باللي هاد المشروع ماشي مشروع حكومة بل مشروع دولة وخاص كلشي يساهم فيه وعليه فاللي مطلوب هو التعبئة الشاملة للدفع بالتسجيل والاشتراك وتوسيع قاعدة المشتركين من العمال غير ‏الأجراء”.‎

وذكر باللي التغطية الصحية الاجبارية تضامنية “شي كيخلص على شي”، والدولة هي للي غتخلص الاشتراكات على الناس لي ‏محتاجين، وهوما لي اليوم عندهم بطاقة “الرميد”.وقال بأن مكتسبات ناس راميد ماغديش تقاس

هاد لكلام راه احراج لناس البي جي دي. لحكومتهم. فرشة ليهم كاع