كود سبور//

المنتخب المحلي اربح ليبيا بجوج لزيرو في الماتش لي كان البارح السبت بالملعب البلدي في بركان، استعدادا للجزائر نهار 19 بالشهر جاي، من أجل انتزاع بطاقة المرور إلى نهائيات كأس إفريقيا للمحليين 2020.

المدرب الحسين عموتة دخل اللعابة الاحتياطيبن في هاد الماتش، لحقاش ما بغاش ياخد لوريسك بإشراك الأساسيين لي غادي يكونو ضد الجزائر.

واخا لعب المنتخب المحلي باغلب اللاعبين الاحتياطيين، إلا أنه قدم ماتش كبير أمام منتخب الليبي كيستعد حتا هو لماتش تونس في إقصائيات الشان.

المنتخب المحلي كان افضل على منافسه وضيع فرص كثيرة وكان بإمكانه تسجيل أكثر من جوج، بعدما ماركا ايوب ناناح ومحمد علي بامعمر.

لكن هاد الماتش كان فأل سيء على عمر بوطيب، بعدما تضرب فيه وخرجو المدرب عموتة على الفوز باش ما تفاقمش الإصابة.

بوطيب غادي يدير هاد النهار الفحوصات الطبية باش يتأكد من خطورة الضربة واش غادي يكون حاضر في ماتش ليبيا.

الماتش ديال الذهاب لي كان بين المنتخب الوطني المغربي ونظيره الجزائري بملعب مصطفى تشاكر بالبليدة كان سالا بالتعادل زيرو لزيرو.