عفراء علوي محمدي- كود//

المتهم فجريمة قتل واغتصاب ودفن الطفل عدنان بوشوف داروه فالكاشو، لبارح الثلاثاء، من بعد ما احتجو عليه الحباسة، فجناح جرائم الحق العام والجنايات الخطيرة، ورفضوه، وتوعدو بأنهم غيتحماو فيه وينتقمو منو.

إدارة السجن المحلي بطنجة قررات، من بعد احتجاجات داروها الحباسة، باش ديرو فالزنزانة الانفرادية، على ما تهدأ الأجواء، بحيث يقدرو السجناء يعرضو حياة المتهم للخطر إلى دخلوه عندهم.

وغادي يخضع المتهم للحجر الصحي 14 اليوم، وهو البروتوكول المعمول به فالمؤسسات السجنية، فهذ الفترة اللي كتعرف فيها البلاد ارتفاع الإصابات بفيروس كورونا المستجد.