الرئيسية > آش واقع > اجيو تقراو شنو گال مزوار على الجزائر و تسبب ف نهاية مساره السياسي
13/10/2019 16:30 آش واقع

اجيو تقراو شنو گال مزوار على الجزائر و تسبب ف نهاية مساره السياسي

اجيو تقراو شنو گال مزوار على الجزائر و تسبب ف نهاية مساره السياسي

جمال بناصر – كود//

لم يكن صلاح الدين مزوار يعلم ان مداخلته عن الاوضاع في الجزائر خلال مؤتمر السياسة الدولي الذي تحتضنه مراكش حاليا ستكون سببا في تقديمه لاستقالته من رئاسة الاتحاد العام لمقاولات المغرب.

لكن أشنو قال مزوار تا ناض عليه هاذ الصداع كامل؟

مزوار اللي سبق ليه كان وزير للخارجية وقع ف خطأ المفروض ماكانش عليه يديرو حين تحدث عن الأوضاع بالجارة الشرقية في المؤتمر اللي عندو اشعاع كبير وحاضرين فيه شخصيات عالمية.

و مما قاله الرجل حديثه عن أن “ما نراه اليوم في الجزائر من احتجاجات سلمية يبعث على الأمل؛ عكس ما يعتقد الكثير”،  مؤكداً أن “الجزائر لن تعود إلى الوراء، لذلك يجب على السلطة العسكرية قبول مشاركتها السلطة”.

اكثر من ذالك، مزوار، اللي كان تايهضر بصفته رئيس للباطرونا بالمغرب، سمح لراسو باقتراح حلول على الجزائريين، قائلا أن  “حل الإشكالية الجزائرية هو دفع السلطة إلى قبول تشارك السلطة”، وانه: “سيكون عليها أن تتشارك السلطة مع أولئك الذين قادت ضدهم حربا داخلية خلال عشر سنوات، أي المحتجين، لأنهم يشكلون إحدى القوى القليلة المنظمة المتبقية في الجزائر، لأن جميع التنظيمات السياسية التقليدية يرفضها المجتمع الذي يوجد اليوم في الشارع”.

هاذ الهضرة تقدر تكون عادية لو أنها صادرة عن شخص آخر غير مزوار ورجال الدولة اللي بحالو، حيث واخا ما بقاش عندو شي منصب رسمي في الحكومة إلا أنه مازال محسوب على الدولة بحكم انه كان وزيرا للخارجية، و كذا بحكم ان كلشي عارف ان الاتحاد العام لمقاولات المغرب مؤسسة ذات حساسية خاصة في النسيج الاقتصادي والسياسي بالمملكة.

هاذشي علاش فإن هذه الاستقالة، وبغض النظر هل كانت اجبارية او اختيارية، إلا أنها ضرورية لوقف النزيف و نزع صفة المسؤول المغربي عن مزوار حتى لا تحسب تصريحاته على الدولة واعطاء فرصة للجنرال قايد صالح للزج بالمغرب في المستنقع الذي يغرق فيه بالجزائر.

حاجة اخرى، غالبا غادي تكون هاذي نهاية للمسار السياسي لمزوار اللي كان يعتبر رجل دولة من العيار الثقيل.

موضوعات أخرى

28/03/2024 11:00

إدانة المحاميين د الرابور “ديدي” مداهمة الفيديراليون : زادو فيه وهذا” فخ”

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون