نجوى المالحي-كود//

الرابورة إلهام العرباوي المشهورة باسم “إيلي” دارت أغنية جديدة بعنوان “آه يا ليل” لي صوراتها على طريقة الفيديو كليب.

الأغنية وعلى عكس كاع لي دارت قبل مافيهاش الشطيح سيكسي ولا شي حاجة لي تخلي بنادم يحل فمو ويدوي. إلهام حاولات من كلامها توصل أنها قوية ومكتهرسش ومكينش لي يقدر يضعفها.

وأكدات بنت المغني عبد العزيز الستاتي أنها كتحاول تقاد علاقتها بباها لي ناكرها، وداكشي علاش كتبعد على أي حاجة تقدر دير ليها “باد بوز” باش ترجع لحضن عائلتها.