علي الصافي-كود-العيون ////
إيريك ابيدال المدافع الايسر السابق لفريق برشلونة الإسباني، والمنتخب الفرنسي ماصدقش.
اليوم قبل القرعة ديال الدور ربع النهائي من التشامبيونزليغ والدوري الأوروبي لي مشارك فيها هو تصادف مع انفصالية من جبهة البوليساريو فمطار جنيف، اللاعب ناض وهز علم البوليساريو مع الإنفصالية، وتصور معاها بيه.
يمكن يكون ما عارفش الحقيقة ديال العلم، ومافكرش قبل ما يهزو ولكن المغاربة ماغاديش يرحموه حيت لاعب ليون السابق كيتحمل مسؤولية اي حاجة يديريها وخاصو يفكر قبل، خصوصا وانه وجه وصورة لفريق برشلونة الإسباني فالعالم ولي شاد فيه بوسط إداري من بعد كان مرض واعتازل الكورة.
نشطاء البوليساريو دارو منها قصة وورطوه، وقالو بأنه يتضامن مع “الشعب الصحراوي” فاش رفع العلم.
وفهاد الحالة اللاعب خاصو يوضح لعشاق كرة القدم المغاربة ويقول شنو وقع ؟ وواش فعلا كيضامن معاهوم ولا لا.
باش تعرفو فقط. أبيدال تصادف مع الإنفصالية لي كانت غادية لوقفة احتجاجية دعات ليها البوليساريو اليوم فجنيف السويسرية ومولاتها الجزائر.
