25/04/2024 19:30
أصلا خصو “التجريم” فالقانون الجنائي. القضاء انتصر للقانون ضد الأعراف والتخلف السلفي وحكم بالسجن لراجل تزوج بطفلة فدوار بإقليم وجدة
كريم الصوفي – كود//
قالت جريدة “إل إسبانيول”، أن برامج تحديث الترسانة العسكرية للجيش المغربي ولى مصدر قلق لإسبانيا، بسباب نوعية الصفقات اللي تمات واللي ف مرحلة التفاوض، واللي غادي تخلى القوات المسلحة الملكية عندها منظومات دفاع جوي متطورة ودرونات و رادارات توجيه الصواريخ من الجيل الجديد، بالإضافة إلى أسلحة ديال الدرجة الأولى.
وأضافت الجريدة الإيبيرية، أن تدشين قاعدة سيدي يحيى الغرب، اللي كتمثل اول قاعدة للدفاع الجوي ف تاريخ الجيش المغربي وتزويدها بأنظمة دفاعية وصواريخ متطورة بحال سكاي دراگون FD-2000B ومنظومة الصواريخ الفرنسية VL-MICA وغيرها، غادي تكون إضافة نوعية لقدرات الجيش المغربي من أجل حماية المنشآت الحيوية والحساسة من التهديدات الجوية والصاروخية.
كما استعرض تقرير “إل إسبانيول” كرونولوجيا الصفقات ديال الجيش، بحال منظومة باتريوت وباراك ودرونات بيرقدرار التركية وغيرها واللي غادي تخلى المملكة عندها درع جوي قوي قادر على حماية الأجواء المغربية من جميع التهديدات العسكرية المحتملة..
