16/04/2024 10:30
بودريقة ما فهمتش باللي جراو عليه من “امانة” مجلس النواب. دار توضيح كيقول باللي ما حيدونيش وانا ما ترشحتش. راه الحزب اللي كيختار ودابا راك فالتوش
نجوى المالحي-كود//
الرابورة الهام العرباوي بنت المغني عبد العزيز الستاتي دارت لايف مع 6 ديال الصباح اليوم الاثنين في انستكَرام ودوات مع 300 واحد من المتتبعين لي كانو فايقين، وبكات وعاودات شنو وقع في قضية الفيديو كليب ديال “IZY” بعنوان “حركي داك الطرف” لي دار البوز وبانت فيه هي كتشطح.
لي وقع حسب ILY أن اللقطات مامصورينش باش يتنشرو في الكليب ولكن هوما لقطات ديالها والمغني استغلهم في الأغنية لي لا علاقة وفيها السبان وكيبان بحالا كيعاير فيها، وقالت هو نيت لي كان بيراطا ليها لاشين يوتوب وبدل المودباس بعدما خدمات معاه في فيديو كليب أغنيتها “DIABLA” وخلات اليوتوب ديالها محلول عندو.
الهام لي قليل فين كتبان ضعيفة، بكات وبانت مستسلمة ديال بصح وطلبات من المعجبين ديالها يوقفو معاها ويعاونوها بعدما تخلا عليها كلشي وبقات بلا عائلة، وقالت تقدر دير حد لحياتها بسبب هادشي لي ديما كيوقع وكتبان بصورة خيبة.
وبتأثر كبير قالت “فين هوما لي كيبغيو إلهام ديال بصح ماشي لي باغين إيلي باش يديرو البوز”.
