وكالات-كود//

المغني العالمي سير إلتون جون خرج مذكرات جديدة بعنوان “أنا Me” كيدوي فيها على حياتو الشخصية والمهنية.

وخصص إلتون صفحات طويلة للحديث عن النجم الراحل مايكول جاكسون لي قال أنه كان مسطي حرفيا، وأنه كان مزعج للناس لي ضايرين به وكيبرزطهم ومن تما قرر ينعازل ويعيش بوحدو.

وكتب إلتون في مذكراته: كنت كنعرف مايكل ملي كان فعمرو بين 13 و14 عام. كان أكثر الأطفال حيوية، لكن فمرحلة ما من السنوات الفاصلة بعد على العالم وولا منعزل وبعيد عن الواقع بحال الفيس بريسلي تماما”.

وتابع اعترافه: “حتى واحد ماكان عارف شنو فراسو ولا الأدوية لي كان كيشرب النهار كامل. ولكن فالسنوات الاخيرة قبل ما يموت كل مرة كنت كنشوفو في حالة متدهوة.. وباش نكون واقعي ماكانش مريض عادي ولكن كان مسطي”.

وتذّكر إلتون فاش كان عرض على مايكل يحضر لشي حفلة ديالو، وقال انه لقاه كيلعب مع ولد الخدامة مما دفع إلتون للتفكير: “بأنه لأي سبب من الأسباب لماكانش مايكل قادر ينخارط مع الكبار على الإطلاق”.