مصطفى الشاذلي – كود سبور//
السلطات المحتلة الإسرائيلية مازال زايدة فيه، منعات ثلاث لعابة من الرجاء البيضاوي من الدخول إلى فلسطين، للمشاركة فالماتش ديال هلال القدس الفلسطيني الخميس الجاي، برسم إياب الدور الأول من مسابقة كأس محمد السادس للأندية العربية.
الرجاء تفاجأ بمنع ثلاثة لعابة ما يدخلوش القدس، وما عطاتهومش الفيزا، وهم عمر بوطيب وحميد أحداد وعبد الرزاق غازوات.
هاد المشكل خلا مسؤولين ديال الرجاء يصيفطوا رسالة احتجاج للاتحاد العربي لكرة القدم باش يحل المشكل، خصوصا أنه غادي يسافرو اليوم الاثنين.
الرجاء سبق ليه واجه بحال هاد المشكل فليامات اللخرة، بعدما رفضت السلطات الاسرائيلية تعطي الفيزا لثلاثة ديال الأفارقة باش يدخلو لفلسطين ويتعلق الأمر فابريس نغا وفابريس نغوما وبين مالانغو. لكن الفريق حل المشكل بعد تدخلات.
