الرئيسية > آراء > أي مغربي زرق الكمارة ومعندوش الجبهة وفبزاف ديال المرات خايب، هذا هو ولد الشعب عند المغاربة، واخا يكون مخنوق فلوس كيبقى بالنسبة ليهم ولد الشعب وخاص يتعاطفو معاه ويساندوه ضد المغاربة لخريين الزوينين النقيين لي ستافدو من تحسين النسل الكلميني
17/06/2019 17:00 آراء

أي مغربي زرق الكمارة ومعندوش الجبهة وفبزاف ديال المرات خايب، هذا هو ولد الشعب عند المغاربة، واخا يكون مخنوق فلوس كيبقى بالنسبة ليهم ولد الشعب وخاص يتعاطفو معاه ويساندوه ضد المغاربة لخريين الزوينين النقيين لي ستافدو من تحسين النسل الكلميني

أي مغربي زرق الكمارة ومعندوش الجبهة وفبزاف ديال المرات خايب، هذا هو ولد الشعب عند المغاربة، واخا يكون مخنوق فلوس كيبقى بالنسبة ليهم ولد الشعب وخاص يتعاطفو معاه ويساندوه ضد المغاربة لخريين الزوينين النقيين لي ستافدو من تحسين النسل الكلميني

محمد سقراط-كود//

أي مغربي زرق الكمارة ومعندوش الجبهة وفبزاف ديال المرات خايب، هذا هو ولد الشعب عند المغاربة، واخا يكون مخنوق فلوس كيبقى بالنسبة ليهم ولد الشعب وخاص يتعاطفو معاه ويساندوه ضد المغاربة لخريين الزوينين النقيين لي ستافدو من تحسين النسل الكلميني، لدرجة أنه يكفي أنك تكون زايد وكابر في الظل ولون عنقك بحال لون وجهك حتى كتولي كلميني لي هي معيورة من غير أنها كتعني إنسان مفني كابر بدانون كتعني أيضا إنسان عايش بيخير وحسن من لخريين مما يجعله ماشي مغربي بزاف وأقرب لأجنبي أوروبي مقيم هنا وصافي، أما المغاربة الحقيقيين هوما لي كيبانو فبرنامج هواة لي كان كيدوز فالرياضية.

الأساتذة فالإحتجاجات ديالهم ديما كانوا كيرددو أنهم ولاد الشعب والتعاقد مؤامرة ضد الشعب وولادو، طلبة الطب حتى هوما قاليك كيدافعو على ولاد الشعب وهوما ولاد الشعب ضد البريفي لي فيه الكلميني، المغنين والفنانة لي تحط حداه شي ميكرو أول حاجة يذكرها هي أنه ولد الشعب ويبدى يفكرنا بأصوله المتواضعة، بحال إلى عيب  وعار تكون ولد عائلة وتختار تدير الفن، ودابا هاد الحمى ولات شاملة كاع المجالات كولشي كيجري ويتسابق باش يبان ولد الشعب كثر من لاخر، بحال إلى مظاهر التمدن والتحضر كتعني مباشرة الإنسلاخ من الشعب وعدم الإنتماء ليه، ولد الشعب هو بنادم شعبي طالقها تسرح ناقص آداب وترابي ولكن مطلوق، وطبعا حديث العهد بالمدينة وفالغالب باه ولد البادية وفأبعد تقدير جدو.

دابا نايضة فالمنتخب نفس هاد القضية، ولد الشعب حمد الله ضد الزماكرية واخا حتى هوما راه فايتين ولاد الشعب ديال لهيه أصلا، ولكن حيت حمد الله ولد ال بطولة وعندو اللون ديال الحمري ومن آسفي ودوز عام كروي هو الأحسن فمشواره، فالمغاربة كلهم معاه ضد فيصل فجر الزماكري النشايطي لي كيجي فالصيف يسهر وينشط فالبلاد ويركب معاه الدريات الملاح ديال الدرب فحديدة مفركعة، رد فعل عاطفي كي العادة مبني على هاد الإنقسام الهوياتي الجديد لي ولا فالمغرب، بزاف ديال المغاربة مابقاو كيحسو  بتاحاجة ديالهم فهاد البلاد، المستقبل ديال ولاد لفشوش لي بواط الواعرين ديالهم، الحديد الواعر ديالهم/ المدارس الكبيرة ديالهم، البوسطات المقودين حتى هوما محجوزين ليهم، التلفازة فيها غير هوما، وكولشي غادي بالمعارف وباك صاحبي، ولاو كيحسو بحال الى بلادهم خداوها منهم وهوما غير مقيمين فيها بزز، هاعلاش ولاو كيدعمو أي واحد ولد الدراوش وصل ويتعاطفو معاه ويساندوه حيت بالنسبة ليهم كيمثلهم عند المغاربة لخريين لي خداو البلاد كاملة وخلاو ليهم غير الشارع يدوزو منو والطروطوار يفرشو فيه.

 

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه