محمد سقراط-كود///

تقريبا كل سيمانة كتخرج خبار على شي راقي غتاصب شي وحدة أو نصب عليها أو عذبها حتى قتلها أو ناكها بخاطرها وصورها أوخدا ليها رزقها، ومع ذلك باقي عيالات كتلقاهم كيقلبو في فايسبوك أو يسولو في الواقع على شي راقي معروف يكون مزيان. السؤال هو مزيان فاش؟ واش مزيان في الإغتصاب أو النيك أو النصب أو الشفرة أو لعصا، شناهي هاد راقي مزيان واش كيقرى شي قرآن خاص بيه بوحدو مكاينش عند لخريين. فاش غادي يكون هاد الراقي مزيان ومعقول مادام انه كيقرى نفس القرآن لي كيقراونا في المدرسة والجامع وكاين فيوتوب وكيتباع في سيديات ويتيليشارجا في كلي يو اس بي، أي واحد يمكن يطلقو فدارو أو يقراه على راسو في حالة كان بصح كيعالج شي أمراض فراه كاع متحتا جشي واحد آخر يقراه عليك مادام هو نفس الكتاب لي ممكن تقرى نتى نيت على راسك، وحتى الى كانت الوحدة أو الواحد عزيزة عليهم لعصا راه يمكن يدبرو فشريك لي يسلخهم بلا مايديرو السبة بالقرآن.

ول لبارح وحدة هي وبنتها شدو الطريق عند واحد الراقي بدا يقرى عليها القرآن شوية بدا يصرفق فيها ويسلخها دخلات بنتها تحامي عليها خلطها معاها، السيدة خرجات من عندو مشات عند الجوندارم ديريكت شدوه، وفالحقيقة راه خاص تشد حتى هي معاه  على هاد العقلية غادا برجليها عند واحد يقرى عليها القرآن ويشبع فيها تصرفيق وتخلصو من الفوق، البدية ديال هاد الرقاة في الغالب كتلقاها في الأحياء الشعبية والكاريانات بحالهم بحال البزنازة والقحاب كيمشيو باك واحد، وكتلقى وحدة لاباس عليها ماخاصها حتى خير وجايا راكبة طوموبيلتها وداخلة كتخيط وسط الدروبة المغبرين باش تمشي عند واحد يقرى عليها ويخلصها من كاع أمراضها ومشاكلها، وهو كون كانت فيه الفايدة كون قرا على راسو وتخرج من ديك الحفرة لي كيخرج منها من بعد بالنصب والإحتيال على بحال هاد الماركة وكتلقاه دار الفيلا والطوموبيل والمشاريع غير على ظهر الكوانب.

أي مرة باقا كتفكر تمشي عند راقي شرعي راها خاصها عملية ديال زرع المخ حيت موحال يكون عندها في راسها، يوميا كتسمع هاد الرقاة كيديرو المصائب ومع ذلك فين ماتعرف شي واحد تلقى العيالات مزاحمين عليه، وكاين لي بكل يقين كتقوليك مخليت حتى طبيب وهاد الراقي سبحان الله خفيت على يدو، باش خفيتي ومناش أشريفية الله يهديك، راه هاد الرقاة أخطر على المجتمع من البزنازة ديال الحشيش المغربية طبعا، والكارثة الكبيرة كون غير شي ثقافة ديالنا مغربية ورثناها على جدودنا، هادو أمراض الشرق دخلو لينا مع اللحايا والسلفية والإرهاب وحرام وحلال، الفقيه المغربي الحقيقي مكانش كيدير الرقية ويكلس المرة في حجرو ويقرى عليها، الفقها المغاربة كانو كيديرو الحجابات ويشدو فيهم لي كتب الله عطي للمرة الحجاب خوض البيض والله يعاون العونات، دابا قاليك خاص يقرى عليها القرآن بالباف والميكرو ديال أوركسترا العسري وحيدي سروال حيدي الكرصون .