وكالات //

قرر المالك الجديد ديال التويتر إيلون ماسك يصدر “عفو عام” على الحسابات لي كانت مبلوكية في المنصة ويرجعها ابتداءا من الأسبوع لي جاي.

وقال أيلون ماسك في تغريدة على حسابو في تويتر أن المنصة دارت استفتاء مدته 24 ساعة على الحسابات لي مبلوكية والشعب قال الكلمة ديالو.

وكان ماسك طلب من جمهورو على تويتر التصويت على استفتاء واش يرجع الحسابات المحظورة بشرط ما تكونش انتهكت القانون.

وبحسب نتيجة الاستفتاء، ف 72.4% من المغردين جابو على سؤال ماسك بـ”نعم” في المقابل جاوب 27.6% منهم بـ”لا”.

ماسك كان استخدم نفس عبارة “الشعب قال كلمته” السيمانة لي فاتت فاش رجع لحساب ديال الرئيس الميريكاني السابق دونالد ترامب.

https://mobile.twitter.com/elonmusk/status/1595473875847942146?ref_src=twsrc%5Etfw%7Ctwcamp%5Etweetembed%7Ctwterm%5E1595473875847942146%7Ctwgr%5Ef2918848ad5dac4b55d8fbeb797bc8fd0a8ff8ed%7Ctwcon%5Es1_&ref_url=https%3A%2F%2Farabicpost.net%2Fd985d986d988d8b9d8a7d8aa%2F2022%2F11%2F25%2Fd8a5d98ad984d988d986-d985d8a7d8b3d983-d8aad988d98ad8aad8b1-24%2F