نجوى المالحي-كود//
باقة 2 سيمانات ويبدا الاستنطاق التفصيلي مع المطربة دنيا باطما وختها عارضة الأزياء ابتسام لي متهمات في قضية حمزة مون بيبي لي كان داير عصابة ابتزاز وتشهير وسب وقذف بالفنانين والناس العاديين.
ابتسام كتبات في تعليق على تصويرتها البارح الاثنين “الثقة في النفس شي حاجة زوينة. وكل واحد خاص تكون عندو ثقة كبيرة في راسو باش يقدر يسير أمورو”.
هاد الكلام فهموه بزاف من المتابعين ديالها بأنه فيه المعاني خصوصا أنها قريب يستنطقوها في المحكمة في قضية العصابة لي هزات الرأي العام المغربي.
وحاليا ابتسام ودنيا متابعات في حالة سراح بعدما خلصو كفالة بالملاين، وممنوع عليهم يخرجو من المغرب بعدما تم سحب الباسبورات منهم.
