نهضة بركان عندهم كلمة وحدة: إما الجزائر تحترم قانون الكاف ونلعبو بتوني خريطة المغرب المعتمد أو ما نلعبوش
نجوى المالحي-كود//
المغنية الشعبية نجاة عتابو ولات بين ليلة ونهار مقدمة برنامج ديال الفن سميتو “جلسات مع نجاة” كيدوز في قناة “Mbc5” لي دايرها محمد بن سلمان باش ينقي صورتو لي كلات الدق من بعد قتل الصحافي خاشقجي فتركيا، باسم الفن.
نجاة دارت الضحك فراسها بكل المقاييس، لا تقديم مقاد لا اسئلة هوما هادوك، والصمت كان كيبقى ثواني طويلة بينها وبين ضيفتها المغنية رشيدة طلال لي كانو كلماتها معبورين وموازنين.
الحاجة الوحيدة لي كانت مزيانة في البرنامج لي دازت الحلقة الاولى ديالو نهار الجمعة هي فاش غنات اعتابو، لأن صوتها فعلا ماكاينش بحالو.
التقديم والغناء بيناتهم فرق كبير بزاف، وخاص الواحد قبل مايدير أي خطوة يضرب ليها مية تخميمة وتخميمة، وضربة نجاة كتبان غير موفقة بمرة.