19/04/2024 10:00
الطالبي العلمي كاعي من البلوكاج لي داير لشكر لهياكل مجلس النواب واللي تسبب فتعطيل المؤسسة التشريعية
أنس العمري -كود///
ظون بيكَ زلكَ زلكَة خيبة متبغيهاش لعدوك. السيد لي كيقول أنه محترف وخاتر دار ستوريز في انستكَرام كيقول فيه أنه غادي يعطي 2 مليون دينار لأي رابور طربو وعجبو داكشي غادي يدير، بعدما قرا في دزاير تيفي أن التبون غادي يعطي مليون دينار لاي واحد جاوبو.
البيكَ معارفش أن الباج لي حطات الخبار هي صفحة ديال الطنز العكري وركب على الموجة وعجبو الحال ومكلفش راسو حتى عناء يبقشش مزيان قبل ما يخرج يدوي وداير النشيد الوطني ومخنزر وكيدوي معقول ومن نيتو.
كيفما زلكَ البيكَ مشا معاه حتى صاحبو وعشيرو المخرج أمير الرواني لي قال أنه غادي يدير ليهم فيديو كليب فابور.
الدزايريين تكبو عليه كيف شتا وطنزو عليه مزيان بعدا أكدو أن الصفحة الرئيسية ديال دزاير تيفي فيها كثر من مليون متابع والصفحة لي حطات الخبر الكاذب غير مزورة وديال الطنز.
الحل ديال البيكَ كيف ديما أي قلبها ضحك وأي قول ااااااه حكَا والواد غير مطلعها حتى أنا. المهم يا خبر بلفوس شوية يولي فابور.
