الجدارمية د گرسيف حجزوا 800 قرعة ديال الشراب فدار گراب بمنطقة حرشة غراس
نجوى المالحي-كود//
المغني عادل الميلودي لي كيفتاخر بكل حقارة بأنه كيضرب مراتو، دار أغنية مع الشيخة الطراكس لي حتى هي عندها عادي راجل يسلخها كيف قالت أكثر من مناسبة. هاد الجوج تعاملو مع بعضياتهم في أغنية سميتها “حلوفة”، وغير السمية ديال الأغنية كتبين العربون.
التعاون بين الميلودي والطراكس بادي بالصداع من الأول بعد نشر تصويرة كتبان فيها الشيخة من الظهر كَالسة كتصبن، هادشي خلا الناس تنتاقدهم وتتاهمهم بالتقليل من قيمة المرأة أولا باسم الاغنية، وثانية بالنمطية ديال المرا كتساوي الفراكة والصابون والتجفاف.
هاد الصورة لي باغي الميلودي يلصق في جيل صاعد اعتبرها في تصريحات صحافية أنها عادية وكتبين تقاليد المجتمع المغربي لي ملي كتغضب ليه المرا كيمشي يحزرها بقوالب سكر ويرجعها للدار، السيد عايش فالماضي ماشي ف 2019 فين العدات تبدلو والمرا خدمات وقدات براسها ومكينات التصبين تختارعو وقوالب السكار بقاو واحلين فيه غير هو.
الاغنية لي صوروها على طريقة الفيديو كليب مازال ماحطوهاش.