نجوى المالحي-كود//

أنس الباز لي كان طلع ليه الجوكر في فيلم “كازا نيگرا” بدا يموت ليه الحوت مؤخرا، وقلبها إشهارات في أنستگرام باش يقدر يدخل الصرف، خصوصا أن هاد الضومين محرك في الآونة الأخيرة.

أنس الباز ما بقاش بان في حتى عمل، وقرر دابا يستغل الاسم ديالو باش يطلع عدد المتتبعين في انستگرام، ويخدم على راسو حتى يحن الله.

وماشي غير انس بوحدو لي مركز على موق التواصل، بل حتى مراتو سارة، لي قالباها قيسارية في حسابها، خصوصا بعد زواجها بالباز لأنه في اللول ماكان حتى واحد كيعرفها.