نجوى المالحي-كود//

قضية الرابور المغربي كريم خربوش المشهور بفرانش مونتانا مع باه خدات طريق ومنحنى جديد بعدما خرجات ام مونتانا بفيديو جديد كتاهم فيه طليقها بالادمان على الشراب.

وقالت الأم في حوار مع محمد بوصفيحة لي مشهور ب “مومو” ولي مقدم ف”هيت راديو”، أن طليقها كيهدد ولدو مونتانا باش يعطي ليه الفلوس، واخا داير ليه خلصة شهرية كتوصلو من ميريكان ولكن كيخسرها غير في القصارات، واضافت أن الدار لي ساكن فيها ولي جا فيها الافراغ هي ديال خوتها وشد الفلوس وضربهم.

وأكدات المتحدثة أن اب مونتانا عندو برطمة شاريها ليه ولدو، ولكن هو طامع فيه كثر، وداكشي علاش دار الفيديوهات باش يشوهو زعما لأنه مشهور ومعروف في العالم.

خروج أم مونتانا بين أن القضية عائلية ومعقدة اكثر ملي كتبان، ولحد الساعة مازال مونتانا مادار حتى تصريح في مايخص هادشي لي واقع.