نجوى المالحي -كود//

المغنية المراكشية أميمة باعزية لي مشهورة بسمية “مولات الدربوكة” غبرات غبرة وحدة، وقطعات الحس والآثار في سناب شات ومواقع التواصل الاجتماعي الاخرى.

التبركيكة لي جابت “كود” أن باعزية واقفة على الطلاق مع راجلها، وسباب المشكل هو الشهرة ديالها لي بدلات طريقة تعامل ديالو معاها.

مصدر “كود” اكد أن القضية مع راجلها حامضة وباغي ياخد ليها ولدها لي مازال ماكمل العام، وقبل ما ينوض هاد صداع العائلي رواد الانستكَرام دارو عليها حملة حيت حسب هدرتهم تبدلات وولات فيها العياقة.