مصطفى الشاذلي – كود سبور//

نور الدين امرابط، لاعب المنتخب الوطني، والنصر السعودي، طلب الزيادة من المسؤولين السعوديين مرة اخرى، خاصة من الرئيس صفوان السويكت.

أمرابط طلب من الرئيس يعاود الكونترا ديالو بصالير مزيان، بحال لي كيتقاضاه مواطنو عبد الرزاق حمد الله.

واخا إدارة النصر رفضت طلبه فالمرة الأولى، إلا أن اللاعب المغربي مامفاكش، خصوصا أنه يعتبر أحد أفضل المهاجمين فالدوري السعودي.

المسؤولين برروا طلب الرفض كون فريقهم النصر عندو أزمة مالية خانقة، بسبب كثرة الصاليرات العالية، لهذا كيفكروا يتفاكو مع جوج ديال المحترفين من أصل اربعة، ويتعلق الأمر بجوليانو وبيتروس وأمرابط وأحمد موسى.

هاد الرد ماخلاش نور الدين أمرابط يتراجع على حقو فالزيادة، لأنه كيعرف راسو اش كيسوا، ويقدر يكون فكر فين غادي يمشي إلى أصرت إدارة النصر السعودي على الرفض.

بزاف ديال الأندية الأوروبية باغية تسيني معا ابرامط في الميركاتو الشتوي، إلا أنه ما حسمش، ومازال كيستنا النصر أش غادي يدير معاه.