وكالات //
بداو عاملات الجنس في ولايتي سكسونيا – أنهالت (Sachsen-Anhalt) و شليسفيكَ-هولشتاين (Schleswig-Holstein) بألمانيا البارح رسميا في استقبال الكليان ديالهم، في انتظار فتح الخدمة قدام الناس كاملين في باقي ولايات ألمانيا.
يوهانا فيبر من “اتحاد الخدمات الجنسية” عبرات في تصريح ديالها لوكالة الأنباء الألمانية (د.ب.أ) عن ارتياحها الكبير من بعد هاد القرار اللي دارتو السلطات بالولاتين المذكورتين، ودعات باش المسؤولين يرفعو القيود على ولايات أخرى.
وبحال بزاف القطاعات، سدات ألمانيا من نونبر اللي داز ديور عاملات الجنس، وكاين البعض من هاد البيوت اللي مازال سادين من فترة الحجر الصحي الأول بسباب جايجة كورونا ف مارس 2020.