الرئيسية > آش واقع > أكثريتهم ناس كبار واللي خدامين فوضعية مريحة.. استطلاع رأي كشف أن واش المغاربة مع التطبيع مع إسرائيل ولا لا
31/07/2021 16:30 آش واقع

أكثريتهم ناس كبار واللي خدامين فوضعية مريحة.. استطلاع رأي كشف أن واش المغاربة مع التطبيع مع إسرائيل ولا لا

أكثريتهم ناس كبار واللي خدامين فوضعية مريحة.. استطلاع رأي كشف أن واش المغاربة مع التطبيع مع إسرائيل ولا لا

عفراء علوي محمدي- كود//

دارت مجموعة Sunergia استطلاع رأي، باش تسول المغاربة على رأيهم فتطبيع العلاقات بين المغرب وإسرائيل، من خلال طرح سؤال: شنو الراي ديالك بخصوص تطبيع العلاقات بين المغرب وإسرائيل؟

وتبين أن 60 فالمية رفضو التعليق، بينما أغلب اللي جاوبو أكدو أن هذ القرار مزيان بزاف، مقابل نسبة قليلة اللي اعتبروه مامزيانش.

بالنسبة للممتنعين عن الإدلاء بالرأي، وحسب الفئة العمرية، فاللي بين 18 و24 عام رفضو 58 فالمية منهم التعليق، واللي بين 25 و34 عام مابغاوش منهم 62 فالمية، مقابل 67 فالمية بالنسبة للي بين 35 و44 سنة، بينما غير 45 فالمية من اللي فعمرهم بين 55 و64 اللي رفضو التعليق.

وأغلب المستجوبين اللي اعتبرو أن هذا قرار مزيان فعمرهم بين 55 و64، أي بنسبة 49 فالمية، وعاد 35 فالمية بالنسبة للي فعمرهم بين 45 و54 فالمية.

الاستطلاع كذلك بين انه الفئات السوسيو مهنية اللي عايشة فظروف مريحة كتفضل التطبيع بنسبة 41 فالمية.

وحتى سكان المدن مع التطبيع كثر من سكان القرى، بحيث نسبة اللي فلمدن ومع التطبيع 34 فالمية، مقابل 21 فالمية بالنسبة اللي فالعروبيات.

Normalisation des relations Maroc-Israël: qu’en pensent les Marocains?

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 12:45

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو