بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات
عفراء علوي محمدي- كود//
دارت مجموعة Sunergia استطلاع رأي، باش تسول المغاربة على رأيهم فتطبيع العلاقات بين المغرب وإسرائيل، من خلال طرح سؤال: شنو الراي ديالك بخصوص تطبيع العلاقات بين المغرب وإسرائيل؟
وتبين أن 60 فالمية رفضو التعليق، بينما أغلب اللي جاوبو أكدو أن هذ القرار مزيان بزاف، مقابل نسبة قليلة اللي اعتبروه مامزيانش.
بالنسبة للممتنعين عن الإدلاء بالرأي، وحسب الفئة العمرية، فاللي بين 18 و24 عام رفضو 58 فالمية منهم التعليق، واللي بين 25 و34 عام مابغاوش منهم 62 فالمية، مقابل 67 فالمية بالنسبة للي بين 35 و44 سنة، بينما غير 45 فالمية من اللي فعمرهم بين 55 و64 اللي رفضو التعليق.
وأغلب المستجوبين اللي اعتبرو أن هذا قرار مزيان فعمرهم بين 55 و64، أي بنسبة 49 فالمية، وعاد 35 فالمية بالنسبة للي فعمرهم بين 45 و54 فالمية.
الاستطلاع كذلك بين انه الفئات السوسيو مهنية اللي عايشة فظروف مريحة كتفضل التطبيع بنسبة 41 فالمية.
وحتى سكان المدن مع التطبيع كثر من سكان القرى، بحيث نسبة اللي فلمدن ومع التطبيع 34 فالمية، مقابل 21 فالمية بالنسبة اللي فالعروبيات.
Normalisation des relations Maroc-Israël: qu’en pensent les Marocains?