وكالات-كود//
مؤسس مجموعة “علي بابا” الشينوية ، جاك ما، لي هو أكبر ملياردير في بلادو علن البارح خبر التقاعد ديالو. جاك بغا يشد راحة نفسو ويعقل على راسو خصوصا بعد المشاكيل والصعوبات لي عانا منها في الحرب التجارية بين بيكين وواشينطن.
التقاعد مغاديش يدوز مرور الكرام، حيت اختارو يكون في نفس النهار ديال عيد ميلادو لي غادي يكمل فيه 55 عام. الحفل غادي يكون في اسطاد رياضي بالحجم الأولمبي في هانغتشو.
وفي بلاصة جاك ما غادي يجي دانييل تشانغ لي تم تعيينو رئيسا تنفيذيا لمجموعة “علي بابا” حسب ما قالت صحيفة “ذا غارديان” البريطانية.
وقال جاك ما: “أنا الشخص كيتطلع ديما إلى الأمام، ومازال عندي الكثير من الأحلام لي خاصني نتابعها. لي يكعرفوني عارفين أنني ماكيعجبنيش نبقى ماكندير والو، العالم كبير وانا مازال صغير ، لذلك باغي نجرب أشياء جديدة”.