الرئيسية > آراء > أكبر فيروس كيهدد المغاربة من بعد كورونا هو الماطر ديال الشينوا سي تسعين ومشتقاتها
07/07/2020 16:00 آراء

أكبر فيروس كيهدد المغاربة من بعد كورونا هو الماطر ديال الشينوا سي تسعين ومشتقاتها

أكبر فيروس كيهدد المغاربة من بعد كورونا هو الماطر ديال الشينوا سي تسعين ومشتقاتها

محمد سقراط-كود///

أكبر فيروس كيهدد المغاربة من بعد كورونا هو الماطر ديال الشينوا سي تسعين ومشتقاتها، حقا هوما عتقو وفكو بزاف ديال المواطنين لي عتامدو عليهم كوسيلة نقل رخيصة وموفرة وكتهنيك من الطاكسيات والطوبيسات، ولكن إستخدام البراهش لهاد الماطر والتعديل فيها خلى هاد النوع تولي عندو سمعة سيئة ويعانيو منو المغاربة يوميا في الشارع، أولا الصداع ديالهم ونتا كالس فدارك الى كنتي ساكن على الشارع راه ماترتاح لا ليل لا نهار حيت كيبدو ليهم الشاكمة بوحدة مصدعة وأرى معندك كسيري وخيط وفيق الناس، ألى خرجتي للشارع راه صعيب الحال تجبد بورطابلك تهدر ونتا كتمشى غادي يطير من يديك بحال السلام عليكم، راكب فطاكسي وباغي تشوف فبورطابلك خاصك تطلع الجاج وكذلك ومثال فطوموبيلتك واخا تكون خمسين ديال الحرارة ومعندك كليم.

كاين أحياء لي كيتنضمو فيها سباقات وكيتجمعو بالقافلات أرى معندك، سي تسعين والماكينة مية وتسعين طيارة، وفأي مدينة غادي تلقى سرب ديال المراهقين غادين وكيخيطو وسط الطوموبيلات، والكسايد ديالهم راه يوميا، طبعا الموشكيل ماشي من الماطر لان الناس الكبار لي بعقلهم وكيخدمو عليهم راه قاضيين بيهم غاراض، وطبعا الموشكيل ماشي ديال المراهقين قلال الترابي لي بحالهم فالعالم كامل بحال هاكة، ولكن الموشكيل ديال الدولة لي مخليا هادشي سايب بلا ظوابط أو قوانين تحكمو، وبلا تطبيق صارم لدوك القوانين، وماتبقاش خدامة بمنطق الحملة بحال شحال هادي.

الدولة مضيعة عليها بزاف ديال المداخيل وطالقة السيبة فالشوارع، خاص أي واحد راكب على موطور يكون عندو بيرمي أولا وقانونيا راه كاين هادشي ولكن على أرض الواقع باقي مكيسول حد في البريمي أ بالنسبة للماطر قل من مية وخمسة وعشرين، راه غير دوك التنابر والمعاملات الورقية راه شلا فلوس تما، بالإظافة إلى أنها غادا على الاقل تنقي شوية الماطر الغير قانونيين من الشارع، والصحاب الماطر يقراو الكود ديال الطريق باش يجنبو راسهم والناس حوادث كثيرة، بالإظافة إلى التشديد على الكاسك وعلاش لا شي ضريبة عليهم واخا غير مية درهم، حقا غادا تجيل بزاف ديال الناس قاصحة ولكن راه عصر ما بعد كورونا هذا خاص تولي الضريبة على أيتها حاجة وفي المقابل خاص الحساب على أي درهم صرفاتو الدولة.

موضوعات أخرى

29/03/2024 14:46

شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا

29/03/2024 14:30

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 13:20

تفاصيل اعتداء فرنساوي من أصول جزائية على مغربي فطنجة: مول الفعلة تقدم مع مرا فرنسية للنيابة العامة

29/03/2024 13:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟