وكالات-كود//
الشرطة الألمانية دارت مكافأة مالية قيمتها نصف مليون اورو لأي واحد قدر يعاونهم باش يشدو الشفارة لي دارو أكبر عملية سرقة من ايامات الحرب العالمية الثانية.
هاد الشفارة دخلو لمتحف “القبو الأخضر green fort” فمدينة دريسدن بشرق ألمانيا وداو مجوهرات ثمنها خيالي.
المحققون مازال مافهمو والو في هاد السرقة لي تمت واخا كاينين كاميرات المراقبة والبلاصة لي فيها المجوهرات مؤمنة.
وبينات لقطات مصورة جوج رجال هرسو بمطرقة خزانة المجوهرات، وحراس الأمن عيطو على البوليس وجاو في 5 الدقايق لكن كان فات الفوت والشفارة شفرو لي شفرو.
وتتولى لجنة تحقيق مكونة من 40 عضو العمل على هاد القضية.