الرئيسية > آش واقع > أقدم سد فالمغرب حبس الما على الفيرمات والفلاحين كبد خسائر مالية كبيرة لماليه.. ومصدر بوزارة الماء لـ”كود”: الاولوية للماء الصالح للشرب وكازا كتعيش سكتة مائية
07/08/2022 12:30 آش واقع

أقدم سد فالمغرب حبس الما على الفيرمات والفلاحين كبد خسائر مالية كبيرة لماليه.. ومصدر بوزارة الماء لـ”كود”: الاولوية للماء الصالح للشرب وكازا كتعيش سكتة مائية

أقدم سد فالمغرب حبس الما على الفيرمات والفلاحين كبد خسائر مالية كبيرة لماليه.. ومصدر بوزارة الماء لـ”كود”: الاولوية للماء الصالح للشرب وكازا كتعيش سكتة مائية

كود الرباط//

أقدم سد فالمغرب (بدا التشييد ديالو من عام 1925)، حبس الماء على الفلاحة بسبب ازمة الماء الصالح للشرب بمدينة كازا ونواجيه.

سد سيدي سعيد بن معاشو بإقليم برشيد أول سد بالمغرب. تم انطلاق بنائه سنة 1925 على نهر أم الربيع، واخا الحقينة فيه ما بيهاش لكن المسؤولين قرروا يحبسو الما على الفلاحة، هادشي غضبهم خصوصا لي عندهم التزامات وقروض بنكية ووعود مع المستوردين من اوربا خصوصا.

عدد من الفلاحين والمصدرين قرروا مراسلة الحكومة عن طريق وزير الفلاحة، ويطلبوه يطلق الما لأنه غادي يستبب ليهم فالافلاس التام، ويقدر يتسبب ليهم فالحبس لأنه كاينين لي دارو كريديات فالبنك باش يستثمرو فالفلاحة.

ودبا الحجم الاجمالي للحقينة هو 1 مليون و100 ألف متر مكعب، أما الحقينة الحالية فهي 1 مليون متر مكعب.

ازمة كبيرة بسبب سياسات مائية فاشلة وبسبب كذلك قلة الموارد البشرية ف قطاع الماء، لي كان خاص تكون عندو ادارة خاصة قوية بكفاءات واطر تعطي توصيات وقرارات تنفذ، لأن الما هو عصب الامن الغذائي. دبا شكون يخلص الفاتورة خصوصا كازا مهددة دبا بانقطاع الما ف أي وقت. واش الدولة غاضحي بالفلاحة مقابل الامن المائي للساكنة؟.

مصدر بوزارة الماء أكد لـ”كود” بلي تدبير الما وقعو فيه اخطاء كارثية، ماشي وقت دبا نهضرو عليها، ولكن خاص ربط المسؤولية بالمحاسبة، لانه قطاع حساس ، مشيرا إلى ان حان الوقت لتفعيل كل الاجراءات بما فيها العقوبات الزجرية ضد كل المتورطين في ضياع الماء والغش في بناء السدود وغيرها.

دبا واش نزار بركة الوزير الحالي قادر ولا حتى هو عاطيها للشفاوي بحال شي وزراء كيروجو انهم كفاءات وفالاخير لا هوما كيعرفو يخدمو ولا يعرفو يهضرو.

يشار بلي وضعية الحالية للسدود كارثية وقلة التساقطات المطرية تسببات ف أضعف نسبة نمو فالمغرب، بحيث وصلت نسبة النمو خلال 3 الاشهر الاولى ف2022 لـ0.3 فالمائة.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها