زلزال قوي ضرب تركيا.. 2 ديال الصمعات طاحو ووزير الداخلية صيفط خبراء للمدينة
كود-بروكسيل//
ف نهار 23 اكتوبر الجاي ،محكمة ف مدينة انفيرس البلجيكية غادي تقرر واش تحيد الجنسية على فؤاد بلقاسم اللي اصلا محكوم من يناير 2016 ب12 سنة حبس و غرامة 30 الف يورو
هاد بلقاسم هو رئيس و مؤسس واحد المجموعة سميتها شريعة فور بلجيوم اي الشريعة لبلجيكا وكانو فيها شي رباعة د الارهابيين و مجرمين سابقين ، كانو كايديرو الدعوة بطريقتهم ف بلجيكا و كانو كايديرو المظاهرات و كايهددو الناس بحال وزراء الحكومة و ينسفو المحاضرات ف الجامعة و كايهددو المثليين ، و ملي بانت داعش بايعوها و مشاو بزاف من اعضاء المجموعة لسوريا باش يلتحقو بها، السيد كان مشوه بالجالية المغربية و الاسلامية عامة بترهاته..
المهم هاد السيد الا تحيدات ليه الجنسية البلجيكية غادي يبداو اجراءات ترحيله للمغرب، خصوصا ان المغرب لايمانع و كايعتابرو مواطن مغربي،و كان كايطالب بتسليمه من زمان ولكن ماشي بتهمة الارهاب ولكن بتهمة الاتجار ف المخدرات ملي كان الشيخ فؤاد بزناز دولي قبل ما يكون داعية سلفي ورفضات ديك الساعة بلجيكا تسليمه ..