كود سبور//
رجع الدولي المغربي أشرف حكيمي نجم باريس سان جيرمان الفرنسي باش يحضر مباريات الفريق وغيكون متواجد أمام أولمبيك ليون في قمة البطولة الفرنسية.
باريس سان جيرمان حدد لاليست ديالو لماتش أولمبيك ليون وفي المقدمة ديالها أشرف حكيمي، وهكذا كيكون النجم المغربي رجع يدعم صفوف الفريق الفرنسي من بعد أسابيع ديال الغياب بسبب الإصابة اللي كانت عندو.
للإشارة فأشرف حكيمي رجع لفرنسا من معسكر المنتخب الوطني المغربي الأخير، وكان شارك في ماتش ليكيب ناسيونال ضد البرازيل وغاب أمام البيرو، حيث فضل الناخب الوطني وليد الركراكي يتجنب يغامر به.
