نجوى المالحي –كود //
الكوميدية أسماء العربي لي كانت طانزة بكلمات المطاعم في كازا وصدقات ليها الأغنية، قررات دوز لمرحلة أخرى ودارت ليها الفيديو كليب.
الأغنية هي طبعا بعيدة كل البعد على الغناء في شكلو الكلاسيكي، حيت هي من صنف “البارودي parodie”، بحال نوعا ما داكشي اللي كان كيدير گاد المالح ولا ميكاييل يون.
الأغنية من إخراج أمير الرواني، لي تشهر مع سعد لمجرد، وحسن الفد في سلسلة الكوبل.
أسماء العربي، نجحات في الكوميديا، وفيديوهاتها العفوية كيشوفوهم الآلاف من الناس على حسابتها في مواقع التواصل، ودابا بغات تعاطا للبارودي، ونجحات حيت حققات البوز.
