23/04/2024 10:51
عاجل. حكم قاصح بزاف. الاستيناف طلع العقوبة الحبسية للطاوجني ل4 سنين بسباب شكاية دارها بيه وزير العدل
نجوى المالحي-كود
من نهار بدات الاحتجاجات في لبنان والمغاربة مقشبين وباغين اللبنانيات يجيو المغرب ويستقبلوهم بالأحضان، لكن هاد ضحك بدا كياخد منحنى آخر.
الكوميدي أسامة رمزي حط فيديو البارح في انستكرام كيدوي باللبنانية وكيشلض في اللهجة ديالهم وباغي يضحك ناس واخة هو الضحك فيه ومجايب الدنيا خبار.
سيد لخص احتجاج شعب على قدو في نفخ القنانف وشفط الشحمة وطاي مانكان، لأن وحدة من المحتجات قالت أنها مازال مدارتش الفيلر.
أسامة رمزي لي عمرنا شفناه حتى في وقفة تضامنية مع الكلاب ضالة في زناقي لي كيقتلوها بالقرطاس، طيح من قيمة النساء والمفروض احترام النساء، يا المغربيات أو اللبنانيات، وهو خاصو اعادة التربية عاد يجي يدير فيديوهات الضحك.
من جهتها، الممثلة المثيرة للجدل لبنى أبيضار حطات صورة ديال لبنانية كالسى فوق بوطو ديال ضو، وكيبان بحالا طالع ليها مع مؤخرتها وكتبات “الثورة هادي والثور فينا هو”. الشعب خارج يحتج، وكين لي شاد ومركز مع المؤخرات وشي حوايج لي لا علاقة.
درتو الضحك. المغاربة واعين، عارفين، عيب تضحكو فينا البراني.
