خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير
كود الرباط//
فضيحة أخرى تنضاف إلى فضائح حكومة “الكفاءات” اللي كيترأسها بنعرفة لي طلع على ظهر الاعفاء الملكي لزعيمه السابق عبد الاله بنكيران، هاد الفضيحة هي منع النقل المباشر للندوة الصحافية للناطق الرسمي باسم الحكومة حسن عبيابة.
عبيابة ف ندوة أمس عقب نهاية المجلس الحكومة، بان حافظ مزيان بعض الألفاظ، واكتفى فقط بالإجابة عن بعض الأسئلة وتهرب على أغلبها ومشا بحالو.
واش هذا يستحق يكون ناطق رسمي باسم الحكومة، سؤال وجهناه لأطر وزارته وأكدو في حديث لـ”كود” بأن الوزارة فيها أطر وفيها كفاءات يكلفو شي حد غير التواصل مع الصحافة بلا ميعذب “سي عبيابة” راسو مع الندوة الصحفية.
دبا منعتو “اللايف” رغم أن عدد كبير من الناس ومن الزملاء لي خدامين ف الصحافة الجهوية والوطنية والدولية كذلك لي مقدروش يحضرو ليها، مغاديش يعرفو شنو قالت الحكومة تا يشوفو شنو خرج ف المواقع والصحف لي حضرو.
فشل حكومي ف التواصل كيزيد يعمق “أزمة الثقة” ف المؤسسات، فمور فضيحة وزير الخارجية ناصر بوريطة، فاش حيد أفضل مسؤولة تواصل ف الحكومة كاملة، وجابه شي حد آخر مقدرش تا ينظم علاقة الوزير بالصحافية أثناء التصويت على قانوني “ترسيم الحدود البحرية” قبل يومين بالبرلمان.