هشام اعناجي – كود الرباط//

إغلاق معبري باب السبتة ومليلية في وجه عمليات التهريب المعيشي، قرار نهائي، حسب مصدر من الجمارك تحدث الى “كود”، موضحا :”الدولة جابت فرص شغل جديدة في المناطق الصناعية ولكن باش ترفضها بدليل انك تستفيد من التهريب غير مقبول”.

وقال ذات المصدر  لـ “كود “: عملنا في ادارة الجمارك هو نحاربو التهريل والمنطق نبقاو ف اتجاه محاربة التهريب ماشي نخليو ثاني الوضع يرجع كيفما كان”.
وتابع :”التهريب بغينا نوقفوه ودبا كاين الشركات والاستثمار لي غاتوفر  الوظائف”.
وشدد المصدر نفسه بلي دبا الدولة كادير مجهودات باش تشجع الشركات يجيو باش يديرو الاستثمارات فالمنطقة ديال تطوان”.

دبا كاين توجه اقتصادي ومالي للمغرب  على مستوى المناطق لي قريبة سبتة ومليلية المحتلتين، عبر  تهيئة الشطر الأول لمنطقة ستخصص للأنشطة الاقتصادية بالفنيدق، وهو مشروع تتولى إنجازه وكالة إنعاش وتنمية الشمال.

دبا كاين منطقة حرة بالملايير الدراهم غادب تبنا فيها ماهو اقتصادي وتجاري لخلق الالاف من مناصب الشغل.
التهريب كايستنزف ملايير الدراهم من مداخيل الدولة، بها التنظيم لي دارت الدولة كاتبين بلي كاين توجه صارم باش الدولة تزير السمطة.

هاد الشركات لي غادي يستثمرو غايكون عندهم وضع ضريبي خاص. هدفها واحد تخلق مناصب شغل لآلاف الأشخاص للي كانو كيخدمو  فالتهريب المعيشي في ظروف تحط من الكرامة الإنسانية.

اللجنة الاستطلاعية البرلمانية الخاصة بمعبر باب سبتة سبق ليها ودعت إلى خلق بديل اقتصادي من خلال خلق منطقة تجارية حرة.

تفاصيل جديدة غادي يتم الاعلان عليها.