وكالات //
ابتداء من اليوم الخميس وحتى يدوز 17 ليوم قررات تركيا باش تمنع البيع ديال الطاسة في إطار تدابير الحجر الصحي لمكافحة كورونا اللي بداتو.
القرار كعاو عليه بزاف ديال الأتراك اللي غادي يضطروا أنهم يبقاو في دارهم هاد المدة كاملة و فوق هادشي حتى محلات بيع الشراب غاتكون مسدودة بحالها بحال عدد من الأماكن و المؤسسات العامة الأخرى.
عدد من الناس اعتابرو القرار مجحف، وأن المحلات ديال الطاسة ماعندها علاقة بانتشار فيروس كورونا خصوصا إيلا بنادم ملتازم بكل الاحتياطات من تباعد و كمامة و تعقيم.
وبمجرد إعلان الخبار، مشاو بزاف من الأتراك شدو الصف في البيسيريات باش يشريو داكشي اللي غايخصهم من الشراب هاد المدة اللي غايتسد فيها كلشي.