23/04/2024 16:00
البام فشل فتنظيم لقاء حزبي فالعيون لعرض الوثيقة المذهبية ديالو بعد المقاطعة اللي دارت قواعدو
كود هناء ابو علي ///
كثرات الهضرة هاد ليام على شي قاضي متفرغ، كان تعرف في واحد القضية دازت في المحكمة الإدارية دالرباط وتحكمات في مصلحة طاشرون ملايري معروف، والعجاج ديالها وصل للرئيس الأول، وخرج منها كي الشعرة فالعجينة، قبل ما يبان فكازا، ويولي مشهور ومعروف باللي عندو سوارت ادارات كثار. اللي حصل يقصدو. طبعا ماشي لمقودة عليهم. اللا لملايرية
مول سوارت الربح كيفتح گاع البيبان٬ واخا وقع ليه مشكل فالمحكمة قدر يخرج راسو ويمشي عند شي وزير ينصحو فاللي عندو علاقة بالقانون
دابا مخلي الديوان وكيعمر قهاوي كازا. لقهاوي ديال صحاب اللعاقة. كل مرة مع طاشرون. كان انفا ها المثلث الذهبي فالمدينة. كيقدم راسو هو اللي كيتحكم فالوكالة الحضرية. اللي قصدو يتقضى غراضو. كيقول كلشي كيخاف منو وكيدير بحسابو
هادا كان صديق لشي حد تشد وتضرب ب3 سنين وكانو كيتحناو ليه كبار كازا ويديرو عليه الصف. طاح حقاش انتاحل صفة مستشار فالقصر الملكي واخا القصة كتبان اعقد من هاد الشي حقاش بصاح هاداك اللي تشد كيعرف كلشي.
دابا هادا حشومة مازال خدام فبلادنا. خدام كيعطي صورة خايبة على مهن كثيرة. خاصهم يسدو عليه البيبان ماشي كيف كيدعي يحلو ليه كاع البيبان
