كود عن جون افريك ///
قال عزيز أخنوش رئيس حزب التجمع الوطني للأحرار في حوار مطول مع مجلة جون أفريك، أن المرة الوحيدة اللي طلب منو الملك باش ياخذ منصب سياسي كانت في 2011 باش يبقى على رأس وزارة الفلاحة والصيد البحري.
وأضاف أخنوش أن “نفس الرغبة عبر عليها بنكيران رئيس الحكومة في هذاك الوقت، واللي نسى ماقالش أنني وافقت غير تلبية لرغبة الملك اللي كيشرفني نخدم معاه، وكنا خدامين على مشاريع المغرب الاخضر وهاليوتيس.. هذاك الشي علاش خرجت من الاحرار اللي مكانوش ضمن التحالف الحكومي ورجعت ليه في 2016 بسبب رغبة القياديين ديال الحزب باش نقود التغيير بعد استقالة مزوار بعد نتائج الانتخابات”.
وحول علاقاته بالملك ومستشاره عالي الهمة، قال أخنوش أن “الرأي العام حر في تناوله لعلاقتي مع الملك اللي كيشرفني نخدم باش نحقق الطموحات ديالو في التنمية الاقتصادية والاجتماعية.. وعندي مع المستشار فؤاد عالي الهمة علاقات جيدة جدا في إطار المهمات اللي مكلف بها كل واحد منا، واذا صادفنا مشاكل في الخدمة واحتجنا لمساعدة من جلالة الملك كنتوجهو للمستشار الملكي وكنتسناو الجواب من عندو”.
