كود الرباط/:
قال وزير الفلاحة والصيد البحري عزيز اخنوش اليوم في تصريحات امام البرلمان انه مكاينش شي استراتيجية حققات ما حقق آليوتيس فمجال الصيد واضاف :،أحب من أحب وكره من كره.
واكد الوزير ان آليوتيس هي استراتيجية عطات الأكل ديالها البعض انشغل بتصفية حسابات شخصية مع الوزير، استهدفت في الواقع مجهودا جماعيا ديال ناس اشتغلوا بجد وقطاعا بأكمله.
وقال ايضا : أنا كنجاوب هاد الناس، ماشي المجلس الأعلى للحسابات…ونجاح المخطط شاهدين عليه هو الفاعلين في الميدان اللي شافو العائدات ديالهم وظروف اشتغالهم، كتحسن والدخل ديال الصيادين كيرتفع.
واضاف :مفتخر بآليوتيس ولا توجد استراتيجية قامت بما قام به آليوتيس…قطعنا مسار كبير، هادي من احسن الاستراتيجيات اللي تعملات، وباقين فنص الطريق، هنالك استراتيجية اخرى سيتم الإشتغال عليها، وسيتم تقديمها امام جلالة الملك والحكومة.
وختم الوزير تصريحاته :وتم التوفق في أغلبية الأهداف، بحال بتربية الأحياء اللي كون بدات قبل كون لقينا باش نشتغلو وندوزو لمراحل متقدمة، ولكن اليوم راه نضع لها الأسس من الصفر، كان خاص بحث وطلبات العروض، وعروض مالية للإستثمار، كان ضروري احداث الوكالة والإطار القانوني…اليوم كنشوفو إمكانيات إنتاج تقدر ب380 ألف طن، وهو ما تأتى من خلال العمل.
.