كريم الشركي-كود///
واحد اللايف كانو فيها امهات المعتقلين، وقعات فيه فضيحة كتبين واحد الصراع اعلامي على تصدر المشهد، بين عائلات او المعتقلين، أو على الاقل من طرف واحد.
هاد اللايف كانت فيه زليخة ام الزفزافي وعالية ام نبيل احمجيق، وملي سالا اللايف كولشي قطع، وزليخة نسات ماقطعاتش وبقات كتهضر مع احمد الزفزافي والد ناصر، وقالتلو واش كانو شي ناس او والو، جاوبها بانها ملي كتكون كتهضر كيكونو 280 او 275، ولكن ملي كتشد عالية الميكرو كيهبطو لميتين.
وزاد قال بان عالية طلعات للناس فراسهوم، وهي ترد عليه والدة ناصر بان عالية مكتعجبهاش.
هاد المقطع قامو نشطاء بإعادة تداوله وعلقو عليه بالقول “الانسان يحسب الجيمات وعدد المتفرجين”.
