زلزال قوي ضرب تركيا.. 2 ديال الصمعات طاحو ووزير الداخلية صيفط خبراء للمدينة
عمـر المزيـن – مكتب الرباط//
من بين أبرز شنو وقع والمفاجئات الرياضية اللّي وقعات خلال سنة 2018 هو الفوز غير المتوقع ديال فريق نهضة بركان بقلب كأس العرش عن طريق ركلات الجزاء (3 مقابل 2)، فالمبارة اللي تلعبات فالتيران ديال معلب الأمير مولاي عبد الله بالرباط.
الفريق البركاني عمرو كان يحمل بهاد اللقب لكن الكورة هادي. نهضة بركان كانت وصلات لنهائي كأس العرش أمام الفتح الرباطي فالموسم ديال 2013-2014 لكن مخداتش هاد اللقب وكتاب ليها هاد العام ديال 2018 تاخدو بعدما ربحات فريق وداد فاس اللي عمرو فحايتو موصلو لنهاية كأس العرش.
الماتش ديال نهاية كاس العرش اللّي كانت تابعاتو “كود” من البداية حتى للنهاية كان سخون بزايد والمغاربة كولشي تبعوه وخا كاين اللي معندوش مع الفرقات بجوج. لكن الحماس والنهاية ديال كاس العرش دفعات عدد من الناس تابع هاد المقابلة اللي تابعها من المنصة الأمير رشيد.
الفريق البركاني كان هو السباق فالتسجيل ديال الهدف اللّي هز شباك فريق الوداد الفاسي “الواف”، عن طريق اللاّعب محمد فرحان. لكن المفاجئة هي الهدف ديال التعادل اللي مركاتو الواف وقلب الماتش رأس على عقب. هاد الهدف كان تماركة فالدقيقة 89 وصيفط الماتش للأشواط الإضافية.
وخا كان حدث كبير بالنسبة للناس اللي متبعين كورة وداخو بزاف مني شافو بركان خدات كاس العرش. لكن الحضور ديال الجماهير ف التيران كان ناقص شويا بالمقارنة مع النهايات التالية ديال كاس العرش اللي كانت خداتو الماص والرجا والفتح وغيرها من الفرق اللي بصمات فالتاريخ الكروي المغربي.
الفريق البركاني تمكن من الفوز بكأس العرش بضربات ترجيحية فهاد المباراة اللّي كولشي وصفها بـ”المشوقة” واكنو فيها أهداف جميلة وضياع فالضربات ديال الجزاء.