الرئيسية > آش واقع > “گود” جابت معلومات حصرية على الأوديو لي فرگع الفضيحة فقضاء كازا.. الفرقة الوطنية شطبات المحكمة الزجرية ديال عين السبع واعتقلات موظفين وسماسرية ولحد الساعة العدد واصل لـ14 واحد
28/07/2022 16:30 آش واقع

“گود” جابت معلومات حصرية على الأوديو لي فرگع الفضيحة فقضاء كازا.. الفرقة الوطنية شطبات المحكمة الزجرية ديال عين السبع واعتقلات موظفين وسماسرية ولحد الساعة العدد واصل لـ14 واحد

“گود” جابت معلومات حصرية على الأوديو لي فرگع الفضيحة فقضاء كازا.. الفرقة الوطنية شطبات المحكمة الزجرية ديال عين السبع واعتقلات موظفين وسماسرية ولحد الساعة العدد واصل لـ14 واحد

سامي العلوي -گود كازا //

من نهار خرج الاوديو المشؤوم لي زعزع القضاء فالبلاد واحد التزعزيعة خايبة، وخربق صورتو عند المواطنين، كان الوكيل العام ديال الملك فمحكمة الاستئناف ديال كازا كوماناڤ اعطى تعليماتو للفرقة الوطنية للشرطة القضائية BNPJ باش يديرو البحث ديالهم.

الفرقة الوطنية للشرطة القضائية بالدار البيضاء وعلى حساب المعطيات الحصرية لي توصلات بيها “گود”، دارت تمشيط للمحكمة الابتدائية الزجرية فعين السبع وتم إعتقال عدد كبير ديال الموظفين والسماسرية لي وصل عددهم لحد الساعة لـ14 واحد.

من بعد التحقيقات لي دارتها الفرقة الوطنية، تبين ان هاد 14 واحد هما لي عاطية ريحتهم فالاوديو.. وحاليا كتواصل الفرقة الوطنية الاستماع لعدد منهم ولي الموجودين تحت تدابير الحراسة النظرية ولي مزال غادي يرجع الضوسي للنيابة العامة باش يتخاد فيه قرار المتابعة.

مصادر “گود” كتأكد انه مزال غيكون الجديد فهاد الملف لي كيحمل مفاجآت كبيرة.

موضوعات أخرى

09/08/2022 06:00

واش كيوجدو لاعتقال ترامب؟ الاف بي اي فاقامتو. الرئيس السابق: هادا وقت صعيب لبلادنا داري الزوينة محاصرة ومحتلة من قبل رجال مكتب التحقيقات الفيدرالي