الرئيسية > تبركيك > “گود” جابت ليكم تفاصيل جديدة على أكبر برلماني نصاب.. شكاية جديدة تحطات عند رئاسة النيابة العامة ضد نوطير معروف فكازا 
20/05/2022 18:00 تبركيك

“گود” جابت ليكم تفاصيل جديدة على أكبر برلماني نصاب.. شكاية جديدة تحطات عند رئاسة النيابة العامة ضد نوطير معروف فكازا 

“گود” جابت ليكم تفاصيل جديدة على أكبر برلماني نصاب.. شكاية جديدة تحطات عند رئاسة النيابة العامة ضد نوطير معروف فكازا 

كود كازا //

كشفت مصادر “كَود” بأن شكاية مباشرة جديدة تحطات لرئاسة النيابة العامة مولاها المشتكي هو ضحية النصب من البابور الصغير البرلماني ديال سطات، اللي دا الملاير لمؤسسات بنكية وطيح معه المفضل الحليسي المدير العام ديال “بنك إفريقيا” وأطر بنكية أخرى.

وقالت المصادر ذاتها بللي الضحية دار شكاية بالنصب كيتهم فيها نوطير مشهور في الدار البيضاء بالتدليس على حسب شهادات من ديوان الموثق لصالح البرلماني اللي مشدود ف”عكاشة” و اللي سبق أن أدين ب5 سنوات ديال الحبس.

وقال المشتكي بللي هو سينا غير على عقود ديال البيع وماعمرو سينا على شي إشهاد، وقال بللي هاد الموثق هو العقل المدبر ديال هادشي.

مصدر “گود” قال بللي رئاسة النيابة العامة حالت الملف على الوكيل العام للملك بمحكمة الاستئناف بالدار البيضاء اللي حالو على قاضي التحقيق اللي عندو الضواصا ديال المتهمين، واللي من المنتظر، كيزيد يقول المصدر أنه غادي يعيطو على النوطير باش يحققو معه.

هاد الضوصي الخانز مزال غادي يطيح وحدين آخرين فهادشي لأنه عندو ترابطات متشابكة مع ناس ومسؤولين.

موضوعات أخرى

24/06/2022 23:00

الأحرار دار بيان تحطات فيه النقاط على الحروف فأحداث مليلية الخطيرة.. تضامن مع الضحايا والجرحى وتنويه بمهنية القوات العمومية وتأكيد على الاعتزاز بالشراكة بين المغرب وإسبانيا