گود سبور//

تمنى الإسباني بيب گوارديولا مدرب مانشستر سيتي النگليزي، يكون النجم ديالهم النرويجي ايرلينگ هالاند واجد فكآس العالم للآندية 2026، اللي غايلعبو فيها الصيف الجاي ضد الوداد الرياضي فأول ماتش.

ونشر مانشستر سيتي تصريح للمدرب ديالو بيب گوارديولا على الحالة الصحية ديال ايرلينگ هالاند اللي توعت، قال فيه: “قالو ليا الأطباء بلي غايغيب علينا ما بين 5 و7 السيمانات، ونتمناو يكون واجد لنهاية الموسم وكأس العالم للأندية”.

وتعرض إيرلينگ هالاند للإصابة فماتش الفريق ضد بورنموث، البارح الاحد ضمن ربع نهائي كأس الاتحاد الإنگليزي، وبينت الفحوصات الطبية أنه موعت فالشوفيا الليسرية.