گود سبور//

بغاو مانشستر سيتي النگليزي ياخدو الدولي المغربي عز الدين أوناحي يلعب معهم، واللي كايلعب دابا مع جيرونا الإسباني، وهاذ الشي حسب ما كشف عليه موقع “Fichajes” الإسباني.

ووضح نفس المصدر أن مانشستر سيتي قرر تفعيل بند فسخ عقد عز الدين أوناحي مول 26 عام مع جيرونا، وأن الإسباني بيب گوارديولا مدرب مانشستر سيتي كايشوف فيه هو الخليفة الطبيعي للبرتغالي برناردو سيلفا، حيث كايقلب على لاعب كايتمتع بمهارات فنية عالية وقادر على التحكم فإيقاع الماتشات.

الموقع زاد وضح أن انتقال عز الدين أ لالق’وناحي من جيرونا لمانشستر سيتي غادي يكون ساهل، بناء على التعاون القائم داخل “گروب سيتي”، اللي كاينتاميو الفراقي بجوج، وهاذ الشي كايسهل الإجراءات الإدارية.

وكمل الموقع وقال إن مانشستر سيتي غادي يخلصو مبلغ 20 مليون أورو ديال الشرط الجزائي اللي فقعد عز الدين اوناحي مع جيرونا، باش ينتقل عندهم الصيف الجاي، وغادي يقدرو خلصو كثر گاع باش يخلصو الضريبة فهاد العملية لتسهيل الانتقال ديالو.